About Mee Tang Hu ၵဵဝ်ႇလူၺ်ႈဝႅပ်ႉသၢႆႉ မီးတၢင်းႁူႉ
ပေႃးမႃးဝူၼ်ႉသွၼ်ႇတူၺ်းၶိုၼ်း ပိုၼ်းဝၼ်းလင်တူဝ်ၸဝ်ႈၵဝ်ႇသေ သွၼ်ႇမႅၼ်ႈႁၼ်ဝႃႈ လူၵ်ႈၵမ်ႇၾႃႇ ၶူင်းၵၢင်လူင်ၼႆႉ ၵႂၢင်ႈယႂ်ႇတၢၼ်ႇႁိုဝ်ၵေႃႈ မိူၼ်ဝႃႈႁဝ်းတူၺ်းႁၼ်လႆႈၵူႈတီႈ ၵႂႃႇႁွတ်ႈၽႅဝ်လႆႈၵူႈၶၢဝ်းယၢမ်း ဢမ်ႇဝႃႈတေပဵၼ်ၵၢၼ်ၵပ်းသိုပ်ႇ ၵၢၼ်သူင်ႇၶူဝ်းၶွင် ၶေႃႈမုၼ်းထိုင်ၵၼ်ၸိူဝ်းၼႆႉ မၼ်းဝႆးသမ်ႉပေႃးဢမ်ႇၸၢင်ႈလၢတ်ႈယဝ်ႉၶႃႈ ။
ၶၢဝ်းယၢမ်းၵေႃႈလႅၵ်ႈလၢႆႈၸွမ်းၵၢပ်ႈ ၸွမ်းပၢၼ် တူဝ်ၸႂ်ၵူၼ်းႁဝ်းၵေႃႈ လႅၵ်ႈလၢႆႈၸွမ်းဢယု (ဢသၢၵ်ႈ) ၵူႈဝၼ်း ၼႆႉတႄႉ ပေႃးတူဝ်ၸဝ်ႈၵဝ်ႇပႆႇမႃးထိုင်တီႈဢယု ဢၼ်လီဝူၼ်ႉၼမ်ၶိုၼ်ႈ ဢၼ်လူဝ်ႇလႆႈႁၢပ်ႇၵၢၼ်ပုၼ်ႈၽွၼ်းၼမ်ၶိုၼ်ႈ ၵမ်ႉၼမ်တႄႉ ယင်ႇပႆႇပွင်ႇၸႂ် လႄႈၼၼ်ႉၵေႃႈပႃးတူဝ်ၶႃႈၵေႃႈၼိုင်ႈယူႇ ။
ၵၢၼ်ႁဵၼ်းႁူႉၼႆႉ မၼ်းဢမ်ႇမီးတီႈသုတ်းသဵင်ႈ ဝၼ်းမိူဝ်ႈၼႆႉႁဝ်းႁူႉယဝ်ႉသေတႃႉ တႃႇဝၼ်းတၢင်းၼႃႈပေႃးႁဝ်းဢမ်ႇသိုပ်ႇၶူၼ်ႉၶႆႈ ႁႃတၢင်းႁူႉမ်ႂႇမႂ်ႇယူႇၵူႈၶၢဝ်းယၢမ်းၼႆၸိုင် တၢင်းႁူႉဢၼ်ႁဝ်းမီးယူႇၼၼ်ႉ မၼ်းတေတူၵ်းလိုၼ်းလင်ဝႆႉၵူၺ်းယဝ်ႉ မိူၼ်ၼင်ႇလူၵ်ႈယၢမ်းလဵဝ် ဢၼ်ႁဝ်းတေဝႄႈဢမ်ႇလႆႈၼၼ်ႉတႄႉ ပဵၼ်လူၵ်ႈ ၼိၼ်ႊတိူဝ်ႊၼဵတ်ႉ လႄႈလူၵ်ႈ AI ဢၼ်တေမႃးတႅၼ်းၼႃႈၵၢၼ်ၵူၼ်းႁဝ်းလၢႆလၢႆတီႈ ၊ မိူၼ်ၼင်ႇၼႃႈၵၢၼ် (Transportation, Finance, Media & Content Creation, Administrative & Clerical, Customer Service & Support ) ၸိူဝ်းၼႆႉပဵၼ်ၵၢၼ်တီႈဢၼ်ၸႂ်ႉ AI သေႁဵတ်းၵႂႃႇၼႆမၼ်းဝႆးလီလိူဝ်ၵူၼ်းလၢႆပုၼ်ႈၼႆၶႃႈ ။
ယွၼ်ႉၼၼ်လႄႈ လႆႈႁၼ်ထိုင်ဝႃႈတၢင်းႁူႉ ပၢႆးပၺ်ႇၺႃႇၼႆ မၼ်းလမ်ႇလွင်ႈတႄႉတႄႉတႃႇတေပူၵ်းပွင်သၢင်ႈၽဝၸၢတ်ႈပၢၼ်ၸဝ်ႈၵဝ်ႇၼၼ်ႉ ႁဝ်းလူဝ်ႇလႆႈပဵၼ်ၵူၼ်းၵေႃႉမေႃလဵပ်ႈႁဵၼ်း မေႃႁႃတၢင်းႁူႉမႂ်ႇမႂ်ႇယူႇၵူႈၶၢဝ်းယၢမ်းၼႆၶႃႈ ၼင်ႇႁိုဝ်တေပူၼ်ႉလႆႈတူင်ႇဝိူင်းလပ်းသိင်ႇလူင်ၼႂ်းၸႂ်ႁဝ်းၼၼ်ႉၼႆၶႃႈ ။
ႁူမ်းၸူမ်းၶွပ်ႈၸႂ် ၽူႈလူဢၢၼ်ႇ လႄႈၽူႈပၼ်ႁႅင်းႁဝ်းၶႃႈ ပေႃးဢမ်ႇသုတ်းဢမ်ႇသဵင်ႈတႄႉယဝ်ႉၶႃႈ ။
